अर्थतन्त्र धर्मराई रहेको अवस्था र उद्योग व्यवसाय प्राय ठप्प झै भएको अवस्थामा शर्माले भने एनि हाउ मनि कमाउ अभियानलाई निरन्तरता दिदै सोझा साझा व्यवसायीहरुलाई आंतकित पारेर  जथाभावी जरिवाना लगाउने धम्की दिएर अबैध रकम असुलेको एक घटना सार्वजनिक भएको छ ।  प्राप्त समाचार अनुसार वीरगंजका एक जना व्यवसायी विजय साह र उनको श्रीमती बविता देवीलाई अघोषित बन्दी बनाएर रु ९ लाख रुपैया असुली गरेको बुझिन आएको छ ।

अधिकृत शर्माले प्रोपाईटर बबिता देवीलाई कार्यालय परिसरमै बोलाएर थुन्नु पर्ने भन्दै दिनभर राखेर आफुसँग बार्गेनिङ्ग गरेको विजय साहले बताए । बार्गेनिङ्गका क्रममा शर्माले रु ५० लाखबाट प्रारम्भ गरेर क्रमश घटदै ३५,२० गर्दै १० लाखमा आएर डिल भएपछि श्रीमतीलाई घर जान दिएको निजले बताए । तत पश्चात भोली पल्ट अधिकृत शर्माले पठाएका एक ढुवानी व्यवसायी दिपु साहलाई रु ९ लाख दिएपछि बल्ल ८ गते माल र गाडी छोडेको साहले बताए ।

अधिकृत शर्माले आफ्ना दलाल मार्फत गरेको असुली काण्डको सबै प्रमाणहरु नेपाल पोष्टसँग सुरक्षित रहेको छ । यस सम्बन्धनमा राजश्व अनुसन्धान कार्यालय पथलैंयाका प्रमुख प्रेम देवकोटासँग बुझदा उहाँले आफुलाई यस सम्बन्धमा जानकारी नभएको बताउनु भयो । उहाँले पिडित म कहाँ आएर सत्य तथ्य बताएको खण्डमा अनुसन्धन गरी दोषी जो कोहि देखिएपनि कारवाही गर्ने बताउनु भयो । सभार : नेपालपोस्टडेली